' E GGIRASOLE - di E.A. Mario

Vuje tenite ' girasole                          
nchiuso dinto ' stu curtile
addò maje ce abbate 'sole,
addò maje ce trase abbrile.

E dicite: ---" E maje nun gira!
Comme va?"  Ma nun penzate
ca, si 'o munno nun ll'attira,
passa primmavera, state,

pò llautunno ,vierno e vene
primmavera n'ata vota,
e 'stu girasole tene
sempre 'a mutria,  e maje s'avota.

Mamma vosta, ca ve tene
dint'a chesta cammarella
pe' paura ca ne vene
'nu capriccio 'e piccerella,

nun ' o ppenza ca ' ffigliole
belle a acconce ---benedico----
songo comme ' ggirasole:
vonno ll'aria. E i 'mo 'o ddico:

vuje tenite 'girasole
nchiuso dint'a stu curtile
addo maje  ce abbatte sole,
addò maje ce  trase abbrile